Thanai 18 january ni salo Dharmanagar BBI thwng kholao wanama sinsa patimungo gwdaljak rok khorok bwrwi no romkha salgwra hangkhor ni police. Romjaknai rok ni mung wngkha Tanmoy Debnath, Sumit Debnath, Koushik Datta, Gabil Bhattacharya. Khursathai kwlaio bwrwi ni kok no twiwi thanai 18 january ni salmario Dharmanagar ni BBI thwngkholao Sagar Vaidya mungwi khorok sa sikla no ramwi yakung yak khawi bokha amchaini khorok tham sikla rok, aboni yagulo bowi thwi phaimani jagao moso tei som phulwi rikha amchaini ah khorok tham sikla rok. Patimung ni nwi chi bwrwi ni bisingo no social media oh virul wngwi thangkha video. Oh patimung no nogwi belai no selengjak baikha haste ni lukorog. O patimungni yagulo Sagar Sukla Vaidya ni nukhungni bwkhak twi khorok chi nwi borok ni mungwi thanao mamla khwlaijakha. Oh khorok chi nwi ni bisingo khorok bwrwi no romkha salgwra hangkhor ni police. Phasalo koktwma thumnai rokni bwskango patimungno twiwi sakha salgwra hangkhor ni police super Bhanupadh Chokroborty. Abohai patimung no khwnawi belai no wanalaijak Tripura haste ni lukorog. Tabok police ni yagu ah khorok bwrwi romjaknai rok. Borok ni bwkhak twi no baki borok ni bodol no bo tisakhlaijaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
