Joto hakotor bai baksha khe Tripura oh 25 january sangrong salo phil chi bwrui eba 14 bisi national voter day palai laikha bharat ni chongmari commission.taklai ni national voter day ni wansuk mwng, “Nothing like voting, I vote for sure’,rajakhor aguli ni rabindra satabarshiki bhavan ni 2 no. hall o songsa jak mani haste gwnagui panda. ah anda o nograi okra ungwi phawi manjak phai kha Tripura hapang ni okra sachib JK. singha. vote ni mari kwbang khwlai nani bagwi ah salo kok samani nukjak kha. abo ni logi kwtal voter rok ni yago tisai rwkha voter ID card.voter list o kwtal mwng tisa nani bagwi tei kaham khe sdai man nani bagwi kaham khe naikol nani bagwi sakha okra sachib Jitendra kumar singha. abo ni logi saklai kha, vote rwmani abo chini raida oh no tong o, joto nono tong kwchang habar ni bising twi vote rwna ni bagwi sakthar mwng bo rwkha bo. national voter day ni panda o sangrong salo phawi manjak phai kha Tripura haste ni okra chongmari ni naikolnai Punit agarwal, chongmari commissioner Saradindu chowdhury, gymnast Dipa karmakar, Samir barman tei Nupur chakraborty akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
