Haste ni club rok belai khe no kwcham, amchai ni loku rok ni bagwi hoda ni samwng rogo belai khe no nangkuk mani ungkha amchai ni club. swrang sal ni sanja jora bhatta pukur gana modern club ni hirak jayanti phil dok chi eba 60 bisi pung mani sal no songsai rwkha haste ni montri okra Dr.Manik saha, panda no songsai rwoi montri okra saklai kha, hoda ni samwng bwtang ni bising twi kaham khe samwng khwlai oh amchai ni club rok. montri okra teibo saklai kha, haste o agi rogo club rok ni bising oh kaisa habar ungwi tong mani abo rok joto no nugwi mankha, phiya ba tabuk abo rok joto no swlai jakha, amchai ni club loku rok deramwng rogo kwlai khe kaham khe kok sawi pati mwng no tong kwchang khwlai rwoh. swrang salni hirak jayanti ni panda o kok narugmani nukjakha agartala pura nigam ni mayor Dipak majumdar no bo, bo saklai kha, kaisa jora tong mani club oh joto thai ni loku rok mwng sa bo panda o phawi mani nukjakya, phiya ba tabuk ni jora rogo abo hai mangpili joto no swlai thangkha, 2018 bisi o haste o bharatiya janata party hapang phai mani ulo club no boo hai khe naikolnai abo rok joto no tabuk achugmwng khwlawi kok chablai oh. tabuk club rok ni wansuk mwng belai khe no swlai jakha, tei abo ni logi haste ni loku rok ni wansuk mwng rok bo swlai jakha . ah salni panda o montri okra tei mayor no karwi bo borom gwnang loku rok phawi manjak phai mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
