Kwdukma bisi ni kahai taklai bisi oh bo Arundhuti nagar kwchug rwng nogo NSS unit ni luajimung bai sak tharwi thwi rwmani panda songsai rwjakha, ah sal no kitingwi no panda no songsai rwkha agartala pura nigam ni mayor Dipak majumdar, bo panda o thangwi kok narugna phuru saklaikha, thwi rwmani panda kwbang khe no songsa jak tong kha haste gwnagwi. lekha pora ni logi logi rwng swrung nai tei swrung nai jwk song hoda ni samwng rok bo kaham khe no khwlawi tongkha, tei abo ni logi sak tharwi thwi rwmani kahai panda bo khwlai tongkha, NSS unit haste ni dal bidal thai o hoda naikol nai ni kahai khe no samwng khwlai tongkha, abo hai panda songsa jak mani no twi bo hambai yaphar kha. ah sak tharwi thwi rwmani panda o rwng swrung nai tei swrung nai jwk song kwbang no phawi manjak phai mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
