Sangrong salni simi Hapania o 34 bisi Tripura Industry tei Trade Fair songchajaknai. Sal chi nwi ramwi cholinai oh ter. Diporni dam nwi ni simi hor ni dam sa jora cholinai oh ter. Takwlai bisi o ter ni theme wngkha Technology tei Innovation. Swrang salo secretariat o kokthum panda khwlaiwi sakhwlai rikha Tripura Industrial Development Corporation Chairman Nabadal Banik. Bo sakha, oh ter oh 503 stall tongnai, aboni yagulo bo takwlai bisi ni ter o Bangladesh, Afghanistan, Thailand no karwi bo hakotor ni chi sini haste ni bwkhak twi stall kholokjaknai. Chairman teibu sakha, swnamkhor tei bania ni ter khwlaimani nasikmung wngkha haste ni sikla sikli rok ni kha-oh ajimungni wansukmungno tubunani bagwi. Aboni phasing naharwi no sak tharwi samung khwlaiwi tongo haste haphang. Takwlai bisi ni ter oh Technology tei Policy Pavilion mungwi kainwi Pavilion phiyogjaknai. Aro haste ni sikla sikli rok sak baithangno ajimungni kok salaimao manjak manai. Aboni yagulo bo teibu sakha, takwlai bisi ni ter oh haste tei hangkhor ni kwtal entrepreneurs rok no sokat rijaknai. Asalni kokthum pandao bono karwi bo manjakha swnamkhor tei bania tangbedekni secretary Kiran Gitte, tangbedekni vice-secretary Swapna Debnath, OSD TIDC Vinay Bhushan Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
