25 January eba sangrong salo ‘National Voter’s Day’ no kitingwi hakotor rwgwi no’Nabamata data’ sammelon songchajakha Bharatiya Janata Party. Hakotor ni sikla rok no bharat hakotor ni ganatantra bai gwdalmano teibu kwrak khwlaina bagwi kwtal voters rok no koikha montri bokhorok Narendra Modi. Aboni bagwi ‘National Voter’s Day’ no palaina bagwi sangrong salo hakotor ni kwtal voters rok bai video conference ni bising twi koklam salainai montri bokhorok Narendra Modi. Swrang salo kaisa kokthum panda khwlaiwi sakhwlai rikha Bharatiya Janata Party ni yubha morcha ni pradesh president eba Bishalgarh ni MLA Sushanta Deb. Asalo bo sakha, yubha morcha ni luajimung bai hakotor rwgwi kwtal voters rok no twiwi sangrong salo kaisa sammelon songchakha. Tripura ni 60 bidhansabha kendra ni mondal rogo, phungni simi chengsajaknai oh sammelon. Oh video conference oh manjaknai hakotor ni montri bokhorok Narendra Modi. Educational exhibition bo songchajaknai. Congress ni jorao bharat hakotor ni situation tei tabokni haphangni naikolmung bai bharat hakotor ni hamkrai wngwi tongmano twiwi kwtal voters rok no sajaknai. Sak baithangni bidhansabha yubha morcha ni oh samung bwtango manjakna bagwi haste ni kwtal voters rok no koikha BJP yubha morcha ni haste president Sushanta Deb. Hakotor ni montri bokhorok Narendra Modi ni kok khwna khe puila vote rinai sikla rok kha-thangsanai tei hujak wngnai hinwi kha-khwlaikha yubha morcha ni pradesh president Sushanta Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
