Belai Phekjaknai manwi bai kobolnai rok, borokni langmao bwskango aguwgwi manya. Nukhungni nokphang rok phekjaknai manwi bai koboljakhe ah nukhung tei chawi manya. Ah nukhung biyalni kobolo kwlaio. Nukhungo salbrom no birman ni boyar sipsao. Aboni bagwi no phekjaknai manwi ni yak kakjak Tripura swnamna bagwi bisi kisa swkang nangkukmani yapri naharkha haste haphang. Phekjaknai manwi no twiwi lukorog no hujak ma khwlainai- Borogul Madhyamik school ni nokholao songchajak Cultural fairs tei exhibitions phiyogmani panda o manjagwi abohai no sakha Tripura haste ni thwng tangbedekni montri Tinku Roy. Salbwrwi ramwi oh exhibitions cholinai hinwi saimankha. Aradhana Cultural Institute tei salgwra hangkhor ni hukumu mukumu tangbedekni luajimung bai songchajakha 26 bisi Cultural fairs tei exhibitions. 25 years ramwi committee ni bwkhak twi khwlaijagwi tongmani oh exhibitions, takwlai bisi oh haphangni bwkhak twi gosimung mankha oh exhibitions. Phainai 26 january ni salmari jora cholinai oh ter. Asalni pandao kok narukna thangwi montri Tinku Roy sakha. Oh ter ni bising twi kendra haphang ni ‘Beti bhachao, Beti porao’ projects no kok pirnai. Omar soksukya jorao kaijakmani, hamya side no twiwi haste ni lukorog no hujak khwlainai. Asalni pandao manjakha salgwra Tripura hangkhor ni president Bhabatosh Das, salgwra hangkhor ni CMO Dr.Arunabh Chokroborty, Kadamtola panchayat samitini chairman Subrata Deb, salgwra Tripura hangkhor ni member eba agri committee ni chairman Kajal Das, Kadamtola panchayat samitini vice-chairman Vidyabhushan Das, Borogol gram panchayat ni pradhan Hemanta Kumar Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
