Tangsalni diporo courier malkhungo naicherwi 21 lakh rangni sidi kwran romkha salgwra Tripura hangkhor ni police. Aboni yagulo hai no hai tangsalni horo Dharmanagar rail station oh 20 lakh rangni sidi kwran hai no hai romkha Dharmanagar thanani police. Rail station ni parcel room bisingni kaitham electronics control system ni bisingo kwbangma sidi kwran mankha police. Naichermungni yagulo sai mankha, rail ni bising twi khwlaiwi no kaitham electronics control system no phatar haste o twlangna bagwi koktisalo Dharmanagar o phaikha khorok sa borok. Kolkata o twlangna bagwi thangwi tongmani bo. Asalo Dharmanagar bwkhaste police officer Debasish Saha huijak koktwma ni bising twi saimankha hinwi sakha, Dharmanagar rail station ni simi parcel khwlaiwi electronicsitem ni bisingo sidi kwran twlangwi tongmani. Koktwma manwi Dharmanagar ni GRP police ni chubachu bai oh kaitham box no romkha borok. Aboni yagulo Box ni bugra bai koklam salaimani yagulo, box ni bugra sakha, bo phaiwi no box no kholoknai hinwi, phiyabha tangsalo Dharmanagar oh box ni bugra phaiya ni bagwi, ah kaitham box no swbaiwi 6 packet oh 62 kg sidi kwran mankha police. Romjakmani sidi kwran ni hati dor 20 lakh rok wnganu hinwi sakha salgwra hangkhor ni police super Bhanupadh Chokroborty. Sidi kwran twinai ni mung sai manfano, bini teibu bodol no romna bagwi teibu kaham khe naichernani bagwi phekjaknai manwi ni bania khwlainai ni mung saliya police. Manmani sidi kwran rok GRP Police ni thani yapharwi rikha. NDPS oh mamla khwlaiwi tabok naicherwi tongo Dharmanagar GRP Police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
