Tangsalo montri bokhorok Narendra Modi ni yak ramwi Ram mondir no phiyogwi rijakha. Asalni phungni simi no bollywood ni celebrities rok mondir oh phaikha. Lukorog ni kwcharao bollywood ni achukiri sng. Panda chengsana swkangno bwsala Abhishek Bhachchan no twiwi ram mondir o thangwi sagwikha bollywood ni ‘shahenshah’ Amitabh Bhachchan. Bollywood actress eba BJP ni MP Hema Malini bo Ram mondir phiyogmao thangwi sagwikha. Borok no karwi bo aro thangwi sagwikha south indian ni artist Rajnikanta, Ram Charan, Chiranjibi, rwchapkwrwng Sonu Nigam. Ram siya Ram rwchapmung bo swiwi tongo. Aboni logi Anuradha Padowal bo Bhajan rwchapkha. Bihik no twiwi manjakha rwchapkwrwng Shankar Mahadevan. Moncha oh bhajan rwchapkha bo. Kobokmungno borom riwi Ayodhya oh thangkha rwchapkwrwng tei music director Anu Malik. Ram mondir bwskango Anupam Kher tei Jackie Shroff no bo nogwi mankha. Ram mondir phiyognani sal sa swkang Ayodhya o thangkha bollywood ni actress Kangana Ranaout. Ayodhya oh belai no khatung khaza ni bising twi nogwi mankha bollywood achukiri Ranabir Kapor, Alia Bhatt, Bicky Koushal tei bihik Katrina Kaif. Borok ni logi tongkha director Subhash Ghai, Rohit Setty, Raj Kumar Irani. Aboni logi Madhuri Dixit tei bini bwsai Sriram Madhav Nene no bo nogwi mankha Ayodhani ram mondir oh. Kobokmung manwi aro thangwi sagwikha Ayushman Khurana, Randeep Hoda tei bini Lynn Laishram. Aboni sport ni celebrities rok bo phaiwi manjakha. Aro bisingo phaiwi manjakha Bharat ni kwcham cricketer Sachin Tendulkar. Aboni logi Badmindton thwngnai Saina Neherwall. Aboni logi Ayodhya oh thangwi sagwikha Bharat hakotor ni businessman Mukesh Ambani bihik Nita Ambani tei Bwsala Akash Ambani tei bahamjwk Sukla Mehta bo thangwi sagwikha. Ayodhya ni ram mondir phiyogmao borok joto no manjakha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
