Ram Chandra ni mondir oh Ramlala no achukrimano kitingwi Hakotor ni logi haste o bo kwbangma samung bwtang panda songchajakha. Tangsalni phungo haste ni montri okra no khobui kwbangma borok rok Ram no mwtai rikha. Haste rwgwi himbotok khwlaimani logi kwbangma mondir oh swachh bharat abhiyan khwlaijakha. Tangsalni phungo Durgabari ni Ram chandra ni arti oh manjakha haste ni montri okra Dr.Manik Saha. Mwtai rimani yagulo montri okra Dr.Manik Saha sakha, hoda ni joto lukorog ni hamkrai wngthung tei dukhu sukhu katiwi khushi khushi khwlaiwi tongthung hinwi no Bhgavan Ram ni thani surikha hinwi sakha bo. Joto dopha ni borok rok thansa wngwi ‘Ek Tripura shrestha Tripura, Ek bharat ek shrestha bharat’ swnamnai. Bo teibu sakha, Montri bokhorok ni twidulmung bai bwskang bwkhak thangwi tongo Tripura haste. Asalni pandao montri okra no karwi bo manjakha Agartala municipal corporation ni mayor Dipak Majumder no khobui kubuni adongrok. Asalni panda o belai no tongthoklaijak phaiwi manjaknai lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
