Assam-Agartala lahar kotor o kaisa jora oh convoy bai khwlawi kaisa jora ni bising o malkhung rok thang phai khwlai mani, ah jora o Teliamura bwkhaste ni chakmaghat amchai ni loku rok belai kosto khe rang aji mani nukjago. Salgwra Tripura tei phatar haste ni malkhung rokno aro ni simi no convoy bai khwlawi twlang mani nukjago seng kwrak rokno. tini ah mangpili rok tei nukjakya, tabuk tei convoy ni jora kwrui kha, kaham khe no thang phai khwlai mano tong kosong lokurok. tei khak sa phasing khe je loku rok rang aji nani bagwi lama mwthag jak thang mani tei deramwng rogo bo kwlai mani, haste hapang ni chubamwng bai paithago man nani nai tongkha sep. Chakmaghat thai no twi tei waisa nai thothok khwlainani tei bania khwlai nani sep nahar jak tongkha, chakmaghat ni khowai twisa oh barrage ni kaisa thaio je twi tongmani, ah twisa oh no tourism spot khwlai nani samwng chengwi rwkha haste ni bharatiya janata party hapang,Teliaura bwkhaste bolong tang bedek ni luajimung bai ah twisa oh phai tong nai sal nwi sal tham ni bising o boating ni sep khwlawi rwjaknai, chakmaghat ni lahar kotor ni bwskang o khowai twisa kinar oh boat bathak rwna ni bagwi samwng chengwi rwjakha, aro no tong o haste ni waa phal mani thai.atharamura hachuk ni simi waa tubwi tono aro. abo ni ulo haste gwnagui waa ni bania khwlai nai rok aro ni simi no waa pawi twlang thango.ah twisa o boating ni sep chengwi rwkhe joto haste gwnagui no loku kwthumlaimwng nukjak nai ah tourist spot oh. abo ni logi picnic bo khwlai man nai borok, hachuk ni kai nwi par oh no hawa mohol swnam nani bagwi sep naharkha Teliamura tang bedek ni bwkhaktwi. kokti salo ah samwng thangwi berai naikha Tripura hapang ni hamkwrai tang bedek ni montri eba amchai ni MLA Bikash debbarma. teisa kwtal khe emang nugwi man nai chakmaghat amchai ni bania khwlainai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
