Sanatani dharma ni kahai 500 bisi ni ulo khwna eba hakotor ni montri bokhorok Narendra modi ni yak romwi no songsa jak nani nai tongkha ayodhya ni ram mandir. ah mandir o achug rwjak nai ram lala no. abo ni swkang lai thanai 14 january ni simi montri bokhorok ni gosimwng o no sawchha abhiyan o phawi manjak phaikha BJP ni adong,montri tei MLA song bo. ashram mandir ni logi hakotor ni joto tirtha thai rogo bo sapsutra khwlainani bagwi gosimwng rwkha montri bokhorok modi. tini ungkha abhiyan ni paithak ni sal, abhiyan no twi kokti salo rajakhor aguli ni anandamoyee ashram tei laxmi narayan mandir o kaisa sawchha abhiyan ni panda o phawi manjak phaikha haste ni montri okra Dr.Manik saha, bini logi phawi manjak phaikha, agartala pura nigam ni mayor Dipak majumdar, BJP sadar aguli ni hangkor achugphang Ashim bhattacharjee tei corporator Alok roy akosong. ah salo sawchha abhiyan ni logi ram ni dhojo bo bagwi rwmani nukjakha montri okra no. sathai kwlaio, ah kai nwi mandir o sawchha samwng bwtang pawi kokti salo kasbeswari mandir tei udaipur mata Tripureshwari mwtai nogo sawchha abhiyan khwlaina bagwi thangwi mano hwnui sakha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
