Hor ni andra gundra o khamwi thaplcha chakha, malkhung ni garage ni logi khungsa e-rickshaw. phiya ba kisa ni bagwi yak kak kha tei khungsa chikon malkhung, pati mwng salgwra Tripura hangkor dharmanagar bwkhaste gana chandrapur kami panchayet ni 2 no. ward amchai o,pati mwng o saimankha, chandrapur kami panchyet amchai ni tongnai Mustak ahamed ni bwsala okra Rajib sal burum burum ni kahai no cha salni hor ni dam chuku o e-rickshaw chalugwi nogo phawi malkhung ni garage o e-rickshaw charge o achugrwi rwkha, ah garage o tei khung sa chikon malkhung bo tong mani. atomsa horo garege bising o hor nugwi mankha nok ni borok rok. dakti khe koktwma rwjak kha dharmanagar hor bwthar nai tang bedek o. koktwma manwi dati khe phawi sokphai kha hor bwthar nai tang bedek ni samwng khwlainai rok. phiya ba jora ni bising o phawi sokphai phano khamwi thapla chakha garage bising o tong mani e-rickshaw.phiya ba boroni wansukmwng short circuit ni bagwi ah hor nangkha na hwnui. hor nangwi deramwng o kwlaikha 2 lakh rang ni hwnui saimankha. tei khak sa phasingkhe nok ni nokphang saklaikha, rang aji mani kaisa no lama tong mani ah khamwi thang nai e-rickshaw.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
