Phung aikhe no ayodhya o songsa jak nani nai tongkha ram mandir, ah salo ram lala no achug rwjak nai, ah salno kitingwi ram ni mwngui khatun khaja unglai jak hakotor gwnagui. dal bidal samwng bwtang yago aharjakha BJP bodol ni bwkhaktwi. hakotor ni joto mwtai nok nogo sawchha abhiyan khwlai jak tongkha, nok nogo ram ni mangpili bo bagwi rwmani nukjakha, dharmio ni kahai kwdukma bisi ni ulo teisa ram kiphilnai ayodhya oh. bono lamsog nani bagwi phai tong nai 22 january pradeep bai chungsai rwjak nai ayodhya nagari no. tei ah salno joto loku rok ni nok nogo pradeep mwsung nani bagwi tei ram no mwitu khwlai nani bagwi kobokmwng khwlaikha montri bokhorok Narendra modi. montri bokhorok ni kobokmwng bai kokti salo 9 banamalipur bidhansabha bai khibjak 24 no.booth ni luajimung bai songsajak mani himbotok o amchai ni loku rok ni yago haa ni pradeep yapharwi rwkha pradesh BJP ni achugphang Rajib bhattacharjee, ah salo kokthum thumnai ni bwskango montri bokhorok no hambai yapharkha pradesh BJP ni achugphang. ah salo pradesh BJP ni yak ni simi pradeep naharmani nukjak kha amchai ni loku rokno.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
