Salchi Joynagar Ghoshpara ni lamao drain kwrwi ni bagwi lama ni twi hamya joto amchaini lukorogni nog bisingo habwi tongo sal kolokma ramwi. Amchaini lukorog sal kolokma ramwi no lama swnamwi rina bagwi sanlaikha. Aboni bagwi chasalo ah lama no naina thangkha Agartala municipal corporation ni mayor Dipak Majumder. Asalo bini logi tongkha amchaini corporator tei amchaini lukorog bo. Lahar naimani yagulo mayor sakha, oh lamani drain no dakti no swnamjaknai hinwi sakha. watwi phaiphuru lama ni joto twi hamya rok nog bisingo habwi tongo hinwi sakha. Bo teibu sakha, oh talni bisingo amchaini corporator tei amchaini lukorogni chubachu bai bwswk jora twi lama swnamna bagwi jaga rok nangno aborok twiwi koklam salainai tei dakti no lama tei drain swnamjaknai hinwi sakha Mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
