Teliamura thana bai khobjak Chakmaghat amchaio salbrom no bolongni mayung kwthung bai chopropjagwi tongo amchaini lukorog. Phasalo aboni bagwi no lahar kasulaikha amchaini lukorog, ah lahar kasumao khobjakha tipra hamkrai tangbedekni montri Bikash Debbarma. Bo kok rikha je dakti dakti no oh jwngjal no mwthagwi rijaknai eba mayung kwthung rok no rwgwi kubuni thai phasing horjaknai hinwi kok rikha montri. Phiyabha kok rimani nwi chi bwrwi jora laiyani swkangno hai no amchaio tongnai Anita Das Sarkar ni nogno chopropkha, bini nogni manwi rok swbaiwi kwlangkha. patimungni swrap sani yagulo patimung thaio thangkha ADS team ni Volunteers rok. Anita Devi koksilsakha, aboni sai swkang bo bini nogo waire wai no chopropkha mayung kwthungni bodol, phiyabha tabok fano haphangni chubachu manyakhu. Patimungni koktwma manwi borok ni nogno naina thangkha amchaini barja naharjak ojama sng, phiyabha borok mungsa chubachu khwlainani kok saliya. Khursathai kwlaio phasalni phungo mayung kwthungni yakni kakna bagwi Krishnapur bidhansabha kendra ni lukorog Assam-Agartala lahar no kasulaikha, Ah jorao lahar kasumao phaikha tiprasa hamkrai tangbedekni montri Bikash Debbarma. Montri kok rikha je bolongni mayung kwthung rok no phainai salsa salnwi ni yagulo no norjaknai, aboni yagulo tongkwchangni bising twi tongwi manai amchaini lukorog. nwi chi bwrwi laimani yagulo bo montri ni kok rimung mwkthang wngliya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
