Montri okra Dr.Manik Saha ni kobokmung bai haste o salbrom no thwirimani panda songchajagwi tongo. Thwirimani panda no bari rina bagwi sak tharwi samung khwlaiwi tongo- phasalo aulini Urja Bhavan o songchajak thwirimani panda o manjagwi abohai no sakha Agartala municipal corporation ni mayor Dipak Majumder. Lukorogni bwskango thwirimani panda no twiwi hujak khwlaina bagwi kaisa thwirimani panda songchajakha Tripura Power Transmission Limited. Asalni pandao manjakha TSECL ni tangphang SS Dogra, Tripura Power Transmission Limited ni general manager Ranjan Debbarma, Additional Secretary Udayan Sinha, Ram krishna mission Maharaj Subhokananda Maharaj. Asalni pandao kok narukna thangwi Agartala municipal corporation ni mayor sakha, chwng richum, chamung, mokol rimani tei sak baithangni sak no dhan khwlaiwi mano. Phiyabha aboni sai kwthar kotor dhan wngkha thwi rimani. Thwirimung dopha tei jattpatt no naiya. Chwng tini ni salo tal-oh thangwi sagwikha, phiyabha tabok fano thwi swnamwi manyakhu, aboni bagwi no oh kwthar samungo gwdalna bagwi koikha. Phasalo oh thwirimani pandao Tripura Power Transmission Limited ni 102 sebok rok thwirikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
