Mayung kwthwng bai chopropjwi jwngjalo kwlainai lukorog bai 29 Krishnapur bidhansabha kendra bai khobjak Chakmaghat ni bwkhaste hangkhor ni habanog bwskango lahar kasujakha tiprasa hamkrai tangbedekni montri Bikash Debbarma. Bisi kolokma ramwi jwngjalo kwlaijak amchaini lukorog. Mayung kwthung borok ni nog hok joto swbaiwi riphaio. Hamkrai wngmani logi logi bwphang waphang tanjagwi tongo. Phiyabha bwphang waphang kwrwi wngmani bagwi chamung ni biyal ni bagwi luko tongthaio thangwi chamung rutugwio mayung kwthungni bodol. Aboni yagulo kwbangma nog rok swbaiwi kwlango tei mwikhutung rok nosta khwlaiwi kwlango. Mayung kwthung bai chopropjagwi kwbangma borok thwikha. Amchaini lukorog belai no tecto nangjagwi phasalo lahar kasulaikha. Ah lahar kasumao khobjakha tiprasa hamkrai ni montri Bikash Debbarma. Patimungni koktwma manwi patimung thaio thangwi sagwikha Teliamura thanani police tei bwkhaste hangkhor ni achukphang Abhijit Chakroborty. Mayung kwthung bai chopropjakmani kok no Tripura ni bidhansabha session oh no kok tisakha hinwi sakha montri. Mayung kwthung akarmani yakni kakna bagwi amchaini lukorog no haste haphangni bwkhak twi nangkukmani chubachu khwlaijaknai hinwi kok rikha montri Bikash Debbarma. Montri ni kok no maniwi lahar kasumani rosawi naharkha amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
