Tripura ni joto sikla sikli rok ni skill development khwlaimani bising twi kwbangma songstha oh sebok ni sep sap rok no bangrina nino kendra haphangni kaisa nasikung. Beker ni jwngjal no nornani bagwi tei hakotor no teibu hamkrai khwlainani bagwi thanai 10 years ramwi montri bokhorok Narendra Modi jeswk hamkrai khwlaikha- abo belai no kotor- phasalo Agartala townhall oh songchajak Kushol bharat tei bikasita bharat ni pandao manjagwi abohai no sakha, Electronics tei Information Technology, Industries tei Hydropower ni Union Minister Rajeev Chandrasekhar. Haste ni pora gwnang sikla sikli rokni skill no development khwlaiwi haste tei phatar haste ni kwbangma songstha oh sebok ni sep sap rinani bagwi 2023 bisi ni 19 october ni salmari haste oh ‘Heartland Tripura’ project no sakhwlaikha bo. Tal tham yagul ni bisingo 19 january eba phasalo ah projects no phiyogwi rikha Chandrasekhar. Aro ni bisingo haste ni sikla sikli rokni skill development khwlaiwi multinational company rago sebok mannani khwlaiwi tisajaknai. Asalni pandao kendriya montri Rajeev Chandrasekhar teibu sakha, 10 years swkang hakotor ni sikla sikli rok multinational o sebok khwlainani sep sap manya. Je nukhungni borok ni sinimung thwngrwng haphar bai gwdaljak borok simi ah sep sap rok manwi tongo. Phiyabha tabok Narendra Modi ni haphang phaimani yagulo hakotor ni joto sikla sikli rok joto sep sap manwi tongo. Hakotor ni IT-sector ni samung khwlaimao, Bangalore, Chennai tei Pune ni sikla sikli rok hai khe no Tripura ni sikla sikli rok bo phainai salo bwskango thanai hinwi kha-khwlaikha kendriya montri Rajeev Chandrasekhar. Phainai sal kisa ni yagulo no IBM, Microsoft hai multi-national company rog haste o phainai hinwi sakhwlaikha kendriya montri eba loksobha ni MP Pratima Bhowmik. ‘Heartland Tripura’ samung bwtangni wngwi phainai june talni bisingo haste ni 300 sikla sikli rok sebok mannani capable wngnai hinwi kha-khwlaikha bo. Phasalo ah pandao manjagwi Tripura swnamkhor tei bania tangbedekni montri Santana Chakma sakha, kwtal National Education Policy oh Skill development no juda khukkhe nasikjaknai. Kendra tei haste haphang ni kwbangma skill development projects ni bising twi haste ni sikla sikli rok no sak baithangni bhachariwi manai hinwi sakha bo. Aboni logi PM Biswakarma projects no twiwi bo koklam sakha bo. Heartland Tripura’ samung bwtangni bising twi intership ni jorao rwng swrwngnai swrwngnaijwk sngni stipend tei joto tongnani chanani rang puisa rok kendra haphangni bwkhak twi rijaknai. Phainai bisi sa bisi nwi ni yagulo haste ni 10 thousand sikla sikli rok hakotor tei phatar hakotor ni IT-Sector o sebok khwlainani sep sap manai hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
