North-east bharat ni kwcham kokthai ni bising o ungkha Tripura ni kokborok kokthai, lai thanai kwdukma bisi romwi no ah kokthai Tiprasa dopha ni sini mwng,1979 bisi o kokborok kokthai sarakari kokthai hwnui borom rwjakha, abo ni ulni simi no kokborok kokthai no teibo kwchugo karwna ni bagwi bisi burum burum no 19 january salmari o kokborok day palai jago. khatunkhaja ni bising twi pha salo haste o palai jakha phil berui chi dok eba 46 bisi kokborok day.Tripura State Academy of Tribal Culture ni luajimung bai rabindra bhavan bwskang o ah salni phungo kaisa himbotok songsai rwkha. kai dok college ni logi dal bidal hukumu motha ni loku rok ah himbotok oh phawi manjak phaikha,abo ni ulo rabindra satabarshiki bahvan ni 1 no. hall o phil bwrui chi dok kokborok day o phawi manjak phai kha haste ni kwcham montri eba development advisor committee ni vice-chairman Ramapada jamatia.bini logi phawi manjak phaikha kokborok development advisor committee ni chiarman eba haste ni kwcham MLA Dr.Atul debbarma tei Tripura hapang ni rangthong tang bedek ni montru Pranajit singh roy. kokborok day no kitingwi haste ni joto loku rok no hamjakma tei kha kaham yaphar kha panda o pahwi manjak phainai joto borom gwnang loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
