Haste hapang ni phasing kok silsamwng khwlawi yasi tisakha TRPC ni chairman Patal kanya jamatia, sathai kwlai o, atomsa khe rang mwthagwi tonmani kebeng mwng o lai thanai 7 january oh kwthumlai mwng khwlai mani TRPC ni samwng khwlai nai rok. abo no twi samwng khwlainai rok ni kok tong mani, joto tal ni 1st day oh no borok rang manwi thang o phiya ba oh tal o jora lai thang phano tabuk sakjora borok rang manya kho. abo ni bagwi borok kwthumlai mwng khwlai kha. sangrong salo kokthum panda khwlawi joto pati mwng notwi saklai kha TRPC ni chairman Patal kanya jamatia, bo saklaikha, TRPC ni samwng khwlainai rok ni rang rwnani no twi je rang nang mani, ah rang TRPC no rwiya ungwi tongkha haste hapang. abo ni bagwi TRPC ni bwkhak twi kwbangma jora romwi no montri okra tei rangthong montri no koktun bwlai bo rwjakha, abo rok rwoi phano mwng sa bo kok phirogliya, haste hapang ni undertaking corporation ung mani bagwi dal bidal tang bedek bai baksha khe hapang ni bwkhak twi mwngsa bo sep manya ungwi tongkha TRPC. sathai kwlaio, hangrai ni saltham ni swkang TRPC ni joto samwng khwlainai rok ni oh tal ni rang rwoi rwkha hwnui sakha TRPC ni chairman Patal kanya jamatia. phiya ba rang man mani ulo phano khorok nwi khorok tham samwng khwlainai office ni habar no deramwng rogo khiklai nani nai tongkha hwnui sakha chiarman.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
