Bharat hakotor ni joto projects ni sep sap rokno lukorog ni thani sagwirina bagwi no hakotor rwgwi ‘bikasita bharat sankalp yatra’ no chengsawi rikha hakotor ni montri bokhorok Narendra Modi. Oh yatra ni bising twi hakotor ni joto lukorog bwswk jora kendra ni sep sap manwi tong, aborok no cherwi naina bagwi thanai 30 novmber, 9 november,16 november, 27 november tei 8 january ni salmario video conference ni bising twi ‘bikasita bharat sankalp yatra ni bising twi sep sap manwi tongnai rok bai koklam salaikha montri bokhorok Narendra Modi. Sangrong salo hai no hai video conference ni bising twi ‘bikasita bharat sankalp yatra ni bising twi sep sap manai rok bai koklam salaikha montri bokhorok Narendra Modi. Salthang Tripura hangkhor ni luajimung bai salnwi ramwi aulini Astabol thwngkholao songchajak sushation mela ni moncha ni simi montri bokhorok ni panda no naikha MP Pratima Bhowmik, Agartala municipal corporation ni deputi mayor Manika Das Datta no khobui kubuni adongrok. Montri bokhorok ni panda paimani yagulo MP Pratima Bhowmik sakha, hakotor ni joto lukorogni nog nogo haphangni joto sep sap rok no sagwi rina bagwi no ‘bikasita bharat sankalp yatra’ no chengsawi rikha montri bokhorok Narendra Modi. Phainai 26 january jora cholinai oh yatra. Tabok fano kwbangma lukorog haphangni sep sap bai gwdalyakhu, aboni bagwi phainai 26 january ni bisingo kwbangma haphangni sep sap rok no naharna bagwi koikha bo. Asalni panda no naina bagwi kwbangma ward ni corporator tei kwbangma lukorog phaiwi manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
