Haste ni rwng swrung nai tei swrung nai jwk song no kaham khe swrung mwng rwna ni bagwi haste hapang ni manthai tong o. abo no kitingwi no hapang samwng khwlai tong kha, haste ni rwng motha rok no kwtal national education policy ni bwkhak twi sep nahar jak kha.tang salo salgwra badharghat gana shankaracharya vidyatan rwng nok kotor o Hirak jayanti panda o thangwi abo hai khe no kok samani nujak kha haste ni montri okra Dr.Manik saha no. montri okra teibo saklai kha, haste hapang kaham swrung mwng rwna ni bagwi tabuk ni bising o no kwbangma yapri nahar kha ti abo rok samwng bo khwlai tong kha. dal bidal board ni rwng swrung nai tei swrung nai jwk song ni kok wansugwi no 2019-20 bisi o NCERT launched khwlawi rwjakha. hakotor ni montri bokhorok Narendra modi 2022 bisi ni 4 january haste oh vidyajyoti samwng bwtang phologwi rwjakha.abo no karwi bo hast hapang class 9 ni rwng swrung nai rok ni bagwi ‘Tripura Science Talent Search Examination’ and ‘Math Talent Search Examination’ bo phiyogwi rwjakha. bisi burum burum no khorok tham chi rwng swrung nai tei swrung naijwk song JEE, NEET exam rok ni bagwi coching naharna bagwi chubachu rwoi tong kha.tei class9 ni rwng swrung nai jwk song no by-cycle bo magnang no rwjakha,montri okrabteibo saklai kha 752 rwng nogo smart class chengwi rwjakha tei kai dok chi rwng nogo smart class chengwi rwjak nai, haste ni divyanga, mokol nukya rwng swrung nai tei swrung nai jwk song ni bagwi Chief Ministers Special Scholarship bo chengwi rwjakha. panda oh agartala pura nigam ni mayor Dipak majumdar saklai kha, nari sikkha no teibo kwchug o karwna ni nang nai, haste hapang no nari sikkha ni phasing dal bisal sep naharwi samwng khwlai tong kha. panda o kok narugkha shankaracharya vidyatan rwng nok kotor ni headmistress Shabri saha, agartala pura nigam ni corporator Sampa sarkar chowdhury tei school management committee ni tangphang Dulal saha akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
