Rwng Swrwngnaijwk sngno hakotor ni hamkrai khwlaimano twiwi kha-thangsarina bagwi tei hoda hamkrai ni khwlaimao gwdalrina bagwi kwrak salo Jogendranagar ni Vidyasagar higher secondary valika school ni NSS camp no phiyogwi rijakha. Sal sini ramwi cholinai oh camp. Asalni panda ni logi thwirimani camp bo songchajakha. Aboni logi bwphang kaimung, yoga tei kaisa seminar bo songchajaknai. Asalni pandao phaiwi manjakha Tripura bidhansabha ni kwcham speaker Rabati Mohan Das, NSS Unit ni haste officer Dr.Chitrajit Bhowmik, hangkhor rwng tangbedekni officer Rupan Roy, Agartala city ni hoda hamkrai khwlainai Chittaranjan Deb. NSS camp ni phiyogmani pandao manjakha Tripura Khadi Gramudhuk board ni kwcham chairman Rajib Bhattacharya sakha, NSS camp ni nasikmung wngkha rwng swrwngnai swrwngnaijwk sngno hoda ni hamkraio gwdalrimung. Oh habar chini, oh haste chini, tei oh hakotor chini- oh wansukmung no thangsarina bagwi no swrwngnai sngnio phwrwngjagwi tongo. Borok no phainai salni thinang tei hakotor no naikolnai. 13-Pratapghar bidhansabha kendra bai khobjak Vidyasagar higher secondary Valika school songchajak asalni camp oh kwbangma rwng swrwngnaijwk sng phaiwi manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
