Joto ter no kaisa panda ni bising twi palai jago,joto dharma ni loku rok no twi khatu khaja ni bising twi palai jago ter eba panda. salsa oh no kaisa tithi oh no hakotor ni dal bidal thai rogo, dal bidal bosong ni bising oh panda palai jago.abo rok ungkha dasera eba makar sankranti. makar sankranti ni salo ganga twisa oh aichug o nukjagkha kwbangma borok nono tukunani, ah phuru no uttar bharat o bo nukjak kha pongal panda songsajak mani. New delhi o kendriya montri L.murgan ni nogo songsa jak mani pongal panda o phai manjak phai kha montri Bokhorok Narendra modi, ah panda ni bising o montri bokhorok khorok sa bwrui no lamsogmwng khwlai mani nukjak kha,montri bokhorok ni bwkhak twi lamsongmwng man mani ah video social media o viral ung kha, tei ah panda o rwchap mani ah bwrui abo rok mancha o achugwi naikha montri bokhorok. tei khak sa phasing khe montri bokhorok Narendra modi no siri siti ni kahai no southindian kahai ri-chum mani bo nukjak kha. tei hakotor ni joto loku rok no poangal ter no rwgui kha kaham bo yaphar kha montri bokhorok Narendra modi, ah salo no kendriya montri ni nogo pongal ter o phawi manjak phawi pongal ter palai mani belai khe no tongthok sukha, ah ter kaisa nai tho thok bharat swnam nani kaham naikol mwng, tei phai tong nai 2047 bisi ni vikshit bharat swnam nani kaisa lama hwnui saklai kha montri bokhorok Narendra modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
