Rastriya seba 150 bisi pung mani sal palaikha indian metrological department eba bahratiya salbar nokbar tang bedek. 1875 bisi o 15 january songsa jak mani ah tang bedek. sathai kwlai oh abo no tong mani bharat hapang ni puila weather tei related ni kaisa motha. chengsa jak mani 150 bisi pung mani sal no kitingwi Indian Meteorological Department tang bedek ni luajimung bai tang salo songsa jak kha new delhi ni science building ni kaisa panda songsa jak kha, ah panda ni bising twi tini ni simi 15 january 2025 bisi jora bisi burum burum no dal bidal samwng bwtang songsai rwjago Indian Meteorological Department ni bwkhak twi. new delhi o songsa jak mani ah panda o nograi ungwi phawi manjak phai kha bharat ni yakchu hani kasku Jagadeep dhankar, kendriya montri Kiren Rijiju, kendriya mantrak ni sachib M.rabi chandan, bharatiya salbar nokbar tang bedek ni okra naikolnai Mritunjoy mahapatra akosong. ah salo new delhi o songsa jak mani panda ni episode naikha agartala salbar nokbar tang bedek niokra naikolnaui rok. panda pawi kaisa kokthum panda songsai rwjakha agartala salbar nokbar tang bedek ni bkwhak twi. ah kokthum panda o kendraiya tei haste salbar nojbar tang bedek ni samwng wbtang rok no twi kok samani nukjak kha salbar nokbar tang bedek ni Scientist Aditya Rajavarma. sathai kwlai o, kendraiya salbar nokbar tang bedek ni naikol mwng o no, haste o bo salbar nokbar tang bedek ni luajimung bai tini ni simi 15 january 2025 bisi jora dalbidal samwng bwtang songsai rwjak nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
