Voice- Phainai 22 january ni salmario Ayodhya o Ram mondir phiyogjaknai. Ram mondir phiyognani swkangno hakotor rwgwi kwbangma samung bwtangni yapri naharkha BJP bodol. 14 January eba koktisalni simi 22 january jora hakotor rwgwi saphai khwlaina bagwi sakhwlaikha montri bokhorok Narendra Modi. Montri bokhorok ni kobokmungo gwdalna bagwi phaikha hakotorni sengkrak rok, bollywood ni acter-acteres, tei swnamkhor ni bugra no khobui joto lukorog no. BJP bodolni hakotor-president JP Nadda ni dagimung bai no oh samung bwtango manjakha haste ni montri okra Dr.Manik Saha. Koktisalo 8 Town-Bordowali mondal ni luajimung bai amchaini sipai rok no twiwi Jagannath Jio mondir songchajak swachh bharat abhiyan oh manjakha bo. Asalni pandao montri okra no karwi bo manjakha BJP sadar hangkhor ni president Ashim Bhattacharya, Agartala municipal corporation ni mayor Dipak Majumder, aulini 20 no ward ni councillor Ratna Datta, 33 no ward ni corporator Abhijit Mallik no khobui BJP ni sipai rok. Phainai 22 january ni salmari jora hakotor rwgwi sap sutra khwlaina bagwi sakhwlaikha hakotor ni montri bokhorok Narendra Modi. Oh abhiyan oh haste ni lukorog no manjakna bagwi koikha haste ni montri okra Dr.Manik Saha.
BYTE
Asalni abhiyan oh sak baithangno yapara twiwi sap sutra haste ni montri okra Dr.Manik Saha. Tei haste ni joto hoda hamkrai khwlainai songstha tei private son
