Phainai 22 january ni salmario montri bokhorok Narendra Modi ni manjakmungni bising twi Ayodhya ni Ram mondir no phiyogwi rijaknai. Sap sutra ni lama no joto ni sai kotor bokti hinwi kha-khwlaikha montri bokhorok. Aboni bagwi Ram mondir phiyognani swkang 14 january eba koktisalni simi phainai 22 january jora hakotor ni joto mondir no sap sutra khwlainani bagwi yapri naharkha montri bokhorok Narendra Modi. BJP bodol ni hakotor-rwk president Jagat Prakash Nadda ni dagimung bai no Tripura haste o bo saphai abhiyan khwlainani yapri naharkha. BJP bodolni 2 no Mohanpur mondal ni luajimung bai Mohanpur ni Krishna mondir no sap sutra khwlaikha, asalni saphai abhiyan oh manjakha amchaini MLA eba haste ni phereng tangbedek tei hukbar tangbedekni montri Ratan Lal Nath, Mohanpur mondal ni president Dhirendra Debnath no khobui joto sipai rok. Hakotor ni joto mondir oh kwbangma hoda hamkrai samung bwtangni je yapri naharjakha, aboni wngwi no asalo ‘Swachha Bharat’ abhiyan ni panda songchajakha hinwi sakha montri Ratan Lal Nath. Asalni saphai abhiyan oh joto ni logi sak baithang montri Ratan Lal Nath no saphai khwlaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
