Bwskango no 2024 bisi ni loksobha chongmari. Oh chongmarino kitingwi jugalwi tongo Bharatiya janata party. pradesh BJP ni luajimung bai haste rwgwi-songchajak kwbangma samung bwtangni panda o manjakha haste ni montri okra Dr.Manik Saha tei Tripura cabinate ni joto montri rok. Aboni wngwi no koktisalo 8-town Bordowali bai khobjak Jagannath road oh dewal o swikha montri okra Dr.Manik Saha. Asalni dewal swimung pandao manjakha 20 no ward ni 13 bhoth tei 33 no ward ni 50 bhoth ni sipai rok bo. Chongmarino kitingwi polling center tei auli rwgwi kwbangma amchaio thwngrwng bodolni symbols swijagwi tongo. Tabokni modern jorao abohai dewal oh swimani aswk nukjakya. Tabokni jorao flag ni bising two kokpirmani nukjagwi tongo. Phiyabha tabok ni oh modern ni jora oh phano dewal oh swimani raida no narugwi tonikha pradesh BJP ni committee. Phainai loksobha chongmarino bwskango toniwi koktisalo dewal swimung pandao manjakha haste ni montri okra Dr.Manik Saha. Asalni dewal swimung paimani yagulo koktwma thumnai rok ni bwskango sak baithangni wansukmung rok no sawi khwna rikha montri okra. Phainai 2024 loksobha chongmario Narendra Modi no Tripura ni kainwi achukthai no rina bagwi swmai tangjak haste ni montri okra Dr.Manik Saha. Koktisalo oh dewal swimung pandao sak baithangno dewal swikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
