Khoroksa thung nai ni thani thung mwwng ungkha joto ni swlai kotor naharmwng.abo haino kaisa lama swnam kha Bhabotosh das. 2019 bisi ni march tal ni puila o monmohon das sriti volleyball batailai mwng songsai rwmani Bhabotosh das. sakni mwchugma bai songsai rwmani haste o abo no puila tong mani volleyball batailai mwng, 2019 bisi ni ulo haste ni dal bidal thai oh monmohon das sriti volleyball songsai rwmani ulo batailai mwng ni bisi dok match songsai rwmani mandir nagari udaipur o. phiya ba bisi dok oh phawi kwdukma bisi ni kahai ah batailai mwng no kisa juda khwlainani naikha Bhabotosh das. lai thanai bisi ba romwi ah batailai mwng simi chwla rok ni bagwi songsajak phano, taklai bisi o monmohon das sriti chwla rok ni logi bwrui rok bo volleyball thung nani sep khwlawi rwjakha.taklai bisi o chwla rok kai nwi chi bodol phawi manjak phai mani logi oh kai chi bwrui bodol bo phawi manjak phaikha. abo ni bising o kai nwi bodol oh no gana ni haste assam ni bo tong o.lai thanai swrang sal ni simi songsa jak mani ah batailai mwng paikha pha salo. kokthum thumnai ni bwskang o Bhabotosh das saklaikha, haste hapang ni je phekjak nai manwi krui khwlai nani bagwi ringkha haste o, abo rok soi khwlai nani bagwi no thung nani nang nai, thung khola o sikla hoda rok kwbang khe phai khe no phekjak nai manwi ni yak kak nani man nai. bo teibo saklai kha, bisi burum burum no monmohon das prizemoney volleyball ni batailai mwng o haste ni dal bidal thai ni simi amchai ni club eba thungrwnai motha ni sep bai songsa jago,phiya ba taklai bisi o udaipur flowers club tei MMD play forum ni luajimung bai songsajak kha, monmohon das sriti tei kamala das sriti prize money volleyball batailaimwng.sathai kwlai o, puila bisi kamala das sriti prize money volleyball ni batailai mwng o champion ungkha, belabar volleyball play center tei runners ungkha Assam ni C.B.W volleyball club. tei khak sa phasing khe monmohon das sriti prize money volleyball batailai mwng o champion ungkha, Bishalgarh-B tei runners ungkha Bishalgarh -a, batailai mwng pawi champion ung mani bodol ni yago trophy ni logi 12 thousand’s tei runners bodol ni yago trophy ni logi 7 thousand’s rang yapharwi rwkha panda o phawi manjak phai nai borom gwnang nograi rok.abo ni logi chwla rok ni champion ung mani bodol ni yago trophy ni logi 31 thousand’s rang tei runners bodol ni yago 21 thousand’s rang tei prize money yapharwi rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
