Teisa kirima sinsa laharpati mwng o langma arikha khorok nwi sikla ni. pati mwng salgwra hangkor bagbasha thana gana nowagang hati gana amchai o. abo no twi police saklai kha, pha salni sanja jora dam char oh bike bai khwlawi assam haste ni simi agartala phasing phawi tong mani khorok nwi sikal. phiya ba bike bagbasha thana gana nowagang hati gana amchai o phawi sokphai khe no khung sa tripper malkhung bai thutailai kha. abo ni ulo amchai ni loku rok tei bagabasha police ni sep bai sago dukhu man nai rok no dharmanagar hangkor sakham nogo twlang thang kha,hangkor ni sakham tang bedek ni sak naikolnai sago dukhu man nai rok no tei mwthangwi manliya.saknaikol mwng khwlai tong mani jora oh no khorok nwi sikla ni langma chokha. thwi thang nai khorok nwi sikla no assam ni tong nai phiya ba mwng rok tabuk sak sai manya kho. tei khak sa phasing khe ah tripper malkhung tei malkhung chalugnai ni romwi bini phasing dorbar yago naharkha police. romjak nai triper chalungnai ni mwng Apan nath, tongthai dharmanagar thana gana kalikapur amchai o. ah pati mwng no twi phasal ni horo no assam police bai koksalai kha dharmanagar thana ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
