Sangrong salo haste bidhansabha ni paithakni salo MBB Birkhung kholani Instrument landing system eba ILS System chengsana no twiwi thanglaisu tangbedekni montri Sushanta Chowdhury ni thani swmgmung khwlaikha CPIM ni MLA Sudip Sarkar. Bo sakhwlaikha, masing jora rago siyari ni bagwi eba habar deramung rago birkhung rog ongkhorna phuru mung sa bo hamya patimung patiya twi aboni bagwi no naikolmung khwlaio ILS system. Phiyabha tabok ni MBB birkhung ni sep belai khe no deramungo kwlaijak, aboni bagwi bankundary eba nobar kotor phaikhe phatar haste ni phainai birkhung rok deramung rago kwlainani nango. Tei dakti khe haste ni transport tangbedekni bwkhak twi birkhung ni ILS system no songchawi rithung. MLA ni kok khwnawi transport montri Sushanta Chowdhury sakhwlaikha, tabok ni MBB birkhung IFR eba instullemt flight rules bai khobjak. Dakti khe ILS system renewal ni bagwi kisa deramungo kwlaijak. Abono twiwi DGCS no kaisa report rikha tei DGCS ni koimung mankhe phainai 2024 bisi ni may talni bisingo MBB birkhung bathakthaio ILS system songchawi rijaknai. Ah ILS system songchajakhe habar deramung rok ni bisingo fano hakotorni dalbidal thaini simi phainani birkhung rok tei deramung rogo kwlaigwlak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
