Tabok technologi belai no kuchugo kakha. Hakotor ni montri bokhorok Narendra Modi ni dagimung bai ration oh digital system chengsajakha. Haste ni chamung tangbedek lukorog no thokaiwi bania khwlainai rok no kuchugo karona muchungjakya. Abono kebengwi nangkukmani kwrak yapri naharjaknai hinwi phasalo Teliamura Legal Metrology branch ni kwtal habanogno phiyogmani panda o abohai no sakha haste ni chamung tangbedekni montri Sushanta Chowdhury. Asalni pandao bono karwi bo manjakha Tripura bidhansabha ni hujakphang eba amchaini MLA-jwk Kalyani Saha Roy, chamung tangbedekni officer Nirmal Adhikari, Teliamura municipal council ni chairman Rupak Sarkar, vice-chairman Madhusudhan Roy no khobui kubuni adongrok. Asalni panda kok narukna thangwi montri Sushanta Chowdhury sakha, khorok sa customer wngwi chini joto ni langmao joto bwkhak no kaham nasikmung tongna nangnai. Aboni logi bo teibu sakha, tabokni jorao correct measurements no karwi modern world swnamnani wansugwi manya. Jekono manwi paiphuru customar rok hujak tongnani belai no nango. Manwi paiphuru phalnog bugra rok manwi kom rok rikha, abono twiwi kebengna nangnai. Customers rok no jetwikhe kha phaio abohai khe no thokaikhe kebo kwchogo kawi manya. Aboni bagwi customers rok ni safety ni bagwi sak tharwi samung khwlaiwi tongo haste haphang. 50 lakh rang swbaiwi oh Legal Metrology branch ni habanog swnamjakha hinwi phasalo sakha haste ni chamung tangbedekni montri Sushanta Chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
