Montri okra saklai mani ulni simi haste gwnagui sak tharwi thwi rwmani panda songsajak nani bagwi sep naharkha haste ni club rogo bo. sak tharwi thwi rwmani pirlaimwng kwbang khwlai nani bagwi tei phekjak nai manwi kwrui khwlai nani Tripura swnam nani bagwi samwng khwlai tongkha borok. 4 barjala bai khobjak madhya bhubanban gana jubak sangha o songsa jak kha sak tharwi thwi rwmani panda, sangrong salo ah panda o phawi manjak phawi abo hai khe no samani nukjak kha pradesh BJP ni achugphang eba haste ni hoda naikolnai Rajib bhattacharjee, ah salni panda o phawi manjak phai mani nukjak kha agartala pura nigam ni mayor Dipak majumdar, mayor-in-council Jagadish das, corporator Sarmishta bardhan ni logi club ni samwng khwlainai rok. Rajib bhattacharjee ah salo saklai kha, chunng ri-chum bagwi rwoh, phiya ba abo ni swlai joto ni swlai kaham samwng ungkha sak tharwi thwi rwmani. rajakhor aguli ni bising o bhubanban gana jubak sangha o songsa jak mani ah sak tharwi thwi rwmani sibir o khorok nwi thung nai kwrung ni yago sokat bo yapharwi rwmani nukjak kha sangrong salo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
