Tripura sikkha tang bedek ni retired khorok sa chakra ni thai rok segwi nahar mani no twi bo bai samwng sitra khwlai nani nai tong kha bini sinijak borok. abo hai khe no koksilsamwng kasakha udaipur bwkhaste gana radha kishorepur oh. ah pati mwng no twi radha kishorepur thana o dorbar khwlaikha udaipur ni phulkumari amchai ni tong nai Narayan chandra dey tei bini bahanajwk pati mwng o saimankha, Narayan chandra ni bahanajwk ah salo saklaikha, kwdukma sal romwi no haste ni sikkha tang bedek o sebok khwlai phai mani borom bai no. retired ungmani ulo lakh lakh rang mankha bo. abo ni logi tongthai nok ni logi kwbangma thai rokbo tong o bini,abo rok segwi nahar nani nai tong kha nok gana gini tong nai loku rok, abo rok tei kebo ya bini mama ni bwsala tei bahamjwk. kwdukma bisi ni swkang kaijakmani yagulo tal dok ni ulo no cencer bemar manjwk langma arimani Narayan chandra dey ni bihik. buphang saichung tong mani abo rok sep naharwi no mama ni bwsajwla tei bini bihik hamya kok silsai tong kha hwnui kok silsamwng khwlai kha Naryan chandra dey ni bahanajwk. bini buphayung bai tomung sitra tongwi joto thai rok segwi nahar nani nai tongkha hwnui nwkhung ni khorok bwrui ni phasing dorbar khwlai kha borok.ah pati mwng ni simi yak kak nani bagwi sep sankha Narayan chandra dey tei bini bahanajwk. tabuk naikol mwng police ni bwkhak twi ah pati mwng no twi tamo sep nahar jak nai, ayang phasing no naharjak Narayan chandra dey ni nok ni borok rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
