Tripura bidhansabha o miya eba tang salo kokborok kok no twi roman script o songsai rwna ni bagwi kok samani kebeng nai bodol ni adong Animesh debbarma. tabuk khe haste ni bidhan sabha ni masing jora ni adibeshan o teisa haino hai ah roman script no twi kok samani nukjak kha Animesh debbarma no.abo no twi kebeng nai bodol ni adong Animesh debbarma saklai kha, haste o 5 thousand’s ni sebo kwbang rwng swrung nai tei swrung nai jwk kokborok subject no twi pora lekha khwlawi tong o borok ni bising o colleges tei university o pori tong mani rwng swrung nai tei swrung nai jwk song kokborok subject o exam rwoi tong kha phiya ba CBSE board ni kahai exam rogo kokborok subject no twi exam rwna ni bagwi mwng sa bo sep chengwi rwiya kho.tei kwbangma tiprasa rwng swrung nai tei swrung nai jwk song ni kok mwitu khwlawi tei borok ni thinang no twi CBSE board ni exam rogo kokborok kok no roman script o swinani bagwi haste hapang ni bwkhak twi CBSE ni naikolnai no koktun bwlai rwthung.kebeng nai bodol ni adong ni kok no twi haste ni montri okra Dr.Manik saha saklai kha, ah kok no twi bo kok salwi khorok tham ni kaisa committee swnam kha tei ah committee ni report phaiya sini swkang hapang ni bwkhak twi mwng sa bo sep naharwi man galak.montri okra saklai mani ulo kebeng nai bodol ni adong Animesh debbarma ni logi CPIM ni MLA Jitendra chowdhury bo ah kok rok no twi khorang tisa mani nukjak kha,bo saklai kha phai tong nai 15 february ni simi CBSE ni class 10 tei class 12 ni exam cheng nani nai tong kha, tei rwng swrung nai tei swrung nai jwk song ni kok bokhorok o tonwi exam ni swkang no haste hapang CBSE ni naikolnai rok no koktun bwlai rwthung.sathai kwlai o haste ni tiprasa thai ni rwng swrung nai tei swrung nai jwk song ni kok bokhorok o tonwi phai tong nai sal ni bising o no haste hapang ni bwkhak twi CBSE ni naikolnai rok no koktun bwlai rwjak nai hwnui kok rwkha montri okra Dr.Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
