Bisi brom brom ni hai khe no takwlai bisio bo Birchandra Manu youth society ni luajimung bai salnwi ramwi Santirbazar bwkhaste bai khobjak Birchandra Manu Twikarma higher secondary school math-oh traditional food festival songchajakha. Chati muchungwi asalni festival no phiyogwi rikha Minority tangbedekni montri Sukla Charan Noatia. Asalni pandao bono karwi bo manjakha 36 Santirbazar bidhansabha kendra ni MLA Pramod Reang, Birchandra Kolsi kendra ni MDC Sanjiv Reang, PTG ni Chairman Chandrajoy Reang, hoda hamkrai khwlainai Mambhu Mog, Manik Tripura, Rambhabu Reang no khobui kubuni adongrok. Sak baithangni dopha no bowi tonina bagwi abohai festival waire wai khwlaina nangu hinwi sakha MLA Pramod Reang. Abohai festival songchana bagwi phainai salo haphangni bwkhak twi bo chubachu khwlaijaknai hinwi kok rikha. Abohai festival ni bising twi tiprasa tei kubuni dopha ni lukorogni bisingo tiprasa dopha ni chamung rok no sagwi rina bagwi Birchandra Manu youth society no bini tangbedekni bwkhak twi chubachu khalaijaknai hinwi kok rikha montri Sukla Charan Noatia. Asalni pandao haste ni kwbangma artist rok bo manjakha. Asalni festival o kwbangma lukorog phaimani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
