Bharat hakotor ni joto lukorog no kendra haphangni joto sep sap rokno rina bagwi thanai 15 november ni salmario hakotor rwgwi no ‘bikasita bharat sankalp yatra no chengsawi rikha montri bokhorok Narendra Modi. Oh yatra ni bising twi hakotor ni joto lukorog bwswk jora twikhe haphangni sep sap manwi tong, aborok no cherwi naina bagwi thanai 30 november, 9 december, 16 december tei 27 december ni salmario video conference ni bising twi bikasita bharat sankalp yatra’ ni bising twi kendra haphangni sep sap manai rok bai koklam sakha hakotor ni montri bokhorok Narendra Modi. Tangsalo hai no hai video conference ni bising twi haphang ni sep sap manai rok bai koklam sakha montri bokhorok. Asalo 8-town Bordowali mondal ni habanogo montri bokhorok ni panda no naikha Agartala municipal corporation ni mayor Dipak Majumder, pradesh BJP ni khukphang Navendhu Bhattacharya, corporator Alok Roy, corporator Ratna Datta tei mondal president Sanjoy Saha no khobui kubuni adongrok. Asalni panda paimani yagulo koktwma thumnai rok ni bwskango mayor sakha, hakotor ni paithak lukorog ni nog nogo kendra haphang ni joto sep sap rok no sagwi rina bagwi no bikasita bharat sankalp yatra no chengsawi rikha montri bokhorok Narendra Modi. Oh yatra ni bising twi hakotor ni lukorog bwswk jora twi haphangni sep sap mankha aborok no cherwi naina bagwi no hakotor ni lukorog bai koklam salaiwi tongo montri bokhorok Narendra Modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
