Hakotor ni joto lukorogni bagwi no ‘Bikasita Bharat sankalp yatra no chengsawi rikha montri bokhorok Narendra Modi. Ayushman Bharat ni simi chengsawi pradhanmontri Abhash yojana, Ujjal yojana, Jaal Jibon mission eba kishan samman nidi- joto projects ni sep sap rok no hoda ni joto lukorog ni thani sagwi rina bagwi sak tharwi samung khwlaiwi tongo kendra haphang. Aboni logi bwrwi bodolni power ni bagwi bo sak tharwi samung khwlaiwi tongo montri bokhorok Narendra Modi. Bharat montri bokhorok ni barja naharmani yagulo no hakotor ni bwrwi rok ni bagwi sak tharwi samung khwlaiwi Modi haphang. Abohai khe no samung khwlaiwi haste haphang- Koktisalo Nog brom brom kaham naikolmung samung bwtangni episode-2 ni wngwi songchajak pandao manjagwi abohai no sakha haste ni rangthong montri Pranajit Singha Roy. Asalni pandao manjakha Matabari ni MLA Abhishek Debroy, Gomati hangkhor porisad ni president Debal Debroy, Matabari block ni BDO Subhrata Dey, panchayat samitini chairman Sujan Kumar Sen no khobui kubuni adongrok. Haphangni kwbangma projects ni sep sap ni yakni karjagwi tongo haste ni kwbangma lukorog no. Aboni bagwi capable borok rok no haphangni joto sep sap manani wngthung hinwi no bikasita bharat sankalp yatra tei nog brom brom kaham naikolmung samung bwtangni panda songchajakha hinwi sakha haste ni rangthong montri Pranajit Singha Roy. Phainai 2047 bisi o 100 bisi pungsanai Bharat hakotor yoksamani. Ah jorani bisingo Bharat no hayungni bisingo joto ni sai best hakotor swnamna muchungjagwi tongo hakotor ni montri bokhorok Nareemdra Modi. Bharat hakotor ni joto ni nog nogo jetwi khe fano nungjaknai twi tei carrent ni biyal ta wngthung, haa ni thapa no norwi gas ni sep sap hakotor ni joto bwrwi bodol no manrina bagwi kwbangma projects tubuwi tongo kendra haphang. Bikasita Bharat sankalp yatra tei nog brom brom kaham naikolmung samung bwtangni bising twi no lukorog ni nog nogo haphangni joto sep sap sagwi rijaknai hinwi sakha Matabari bidhansabha kendra ni MLA Abhishek Debroy. Koktisalo oh panda ni bising twi Matabari bidhansabha kendra ni Indranagar gram panchayat ni tongkosong lukorog no SC Certificate, OBC Certificate, PRTC,Ayushman Card, Aadhaar Cars tei trade licence rijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
