pha salni simi hasteo chengsajak kha wai chi tham ni bidhansabha winter session . ah salni koklam panda chengsajakma yagulo monri okra dr. manik saha , amchai hamkwrai samung bwtangni bagwi rang ni mari kwbang khwlaina bagwi goismung rikha. Koklam ni puilao no bisi kwtalni bagwi joto kha kaham yaphar kha montri okra dr.manik saha . agi amchaini hamkwraini bagwi joto MLA rogno 50 lakh rang rijakmani. Phiya kais amachaini hamkwraini bagwi ah rang rog kolokya . amoni bagwi pha sal saklaijak kha , oh bisini bagwi amchai hamkwraini bagwi rang mari kwbang khwlaijaknai hinwi. Aboni bagwi 2024-2025 bisio amchaini hamkwraini bagwi MLA rogno 50 lakhni jagao 75 lakh rang rijaknai. Bebagwi 25 lakh rang kwbang khwlaijak kha . agi bebagwi joto khorok dok chi eba 60 jon MLA ni bagwi 30 crore rangni budget swnamjakmani. Tabok jotoni bagwi 25 lakh rang kwbang khwlaima bagwi tabok 45 crore rang ni budget swnamjak kha. oh kokchap naharjakma bagwi bidhansabha amchai rogo teibo hamkwrani samung wngnai hinwi sakha montri okra dr. manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
