Teliamura ni Madhyakrishnapur amchaio mayung kwthungni akarmung nukjakha. Salbrom no mayung kwthung bai chopropjagwi tongo amchaini lukorog. Teliamura bwkhaste ni forest department rok ni hamya naikolmung ni bagwi no mayungni akarmani nukjakha hinwi sakha amchaini lukorog. Kubuni salni hai khe no swrang salni horo mayung kwthungni kaisa bodol Teliamura bwkhaste ni Madhyakrishna pur o chopropkha. Khorok sa borok ni Bolero malkhungno philriwi rikha mayung kwthung. Patimungno kharlaijak amchaini lukorog. Malkhung chaloknai tei Nukhungni borokni chirikmani khorang khwnawi logi logi no phaibaikha amchaini lukorog. Dol bodol khe rwkmani yagulo Bolong phasing thangkha mayung kwthungni bodol. Aboni yagulo patimung thaio koktwma thumnai rok sagwimani yagulo aro thangwi sagwikha ADS bodol ni kaisa volunteer. Teliamura bolong bedekni adongrok no koktwma hormani yagulo bo kwchangmani bagwi thowi tongo bolong tangbedekni officers rok hinwi koksilsakha amchaini lukorog. Salbrom no abohai khe mayung kwthungbai chopropjagwi oh thaio tongnani phainai salo teibu jwngjal hinwi kha-khwlaikha amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
