Tripura haste ni Haste haphang hukbar khwlainai rokni ajimung double khwlaina naiwi tongo. Haste haphangni emangno mwkthang khwlaina bagwi sak tharwi samung khwlaiwi tongo Julybarini hukbar tangbedek. Aroni bisingo Julybari hukbar tangbedekni officer Sridam Das ni twidulmung bai haste haphangni wngwi hukbar khwlainai rokni yagni mai paina chengkha. Haste haphang hukbar rokni yagni sarkari ni dor o no mai paikha. Sangrong salo ah mai paimani thai thangwi naiwikha MP Pratima Bhowmik. Aro thangwi hukbar khwlainai rok bai koklam salaikha bo. Haste haphangni luko hamkrai ni samung bwtangni bagwi joto no tabokni haste haphangno hambai yapharkha. Sangrong salni ah naichermungo manjakha Julybari bidhansabha kendra ni MLA eba minority tangbedekni montri Sukla Charan Noatia, Julybari block panchayat samitini chairman Rabi Nama, vice-chairman Tapash Datta, Julybari hukbar tangbedekni officer Sridam Das no khobui kubuni adongrok. Haste haphangni bwkhak twi mai paimano twiwi koktwma thumnai rokni bwskango sakha Julybari hukbar tangbedekni officer. Haphangni bwkhak twi abohai yapri naharjakmani bagwi belai no khatung khaza wnglaijak hukbar khwlainai rok. Takwlao bisi o 50 thousand matrick ton mai painai haste haphang. Aro ni bisingo Julybario mai painai 1 thousand 650 matrick ton. Phainai 15 january jora oh mai paimani samung bwtang cholinai hinwi sakha Julybari tangbedekni officer Sridam Das.Jolaibari ni motorstand o songchajak asalni mai paimungo manjakha Julybari block panchyat samitini chairman Rabi Nama, vice-chairman Tapash Datta.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
