Sal kisa ramwi hakotor rwgwi truck malkhung chaloknai rokni strike choliwi tongmani. ‘Hit & Run’ kerongni raida no kebengwi no oh strike khwlaikha truck malkhung chaloknai rok. ‘Hit & Run’ raida no twiwi kendra haphang rok kok rimani yagulo no strike khwlaimano rosawi naharkha truck chaloknai rok. Koktwmao saimankha, kendra bai koklam salaimani yagulo tei Union Home Secretary Ajay Vallar kok rimani yagulo no All India Motor Transport Congress ni bwkhak twi strike khwlaimani rosawi naharjakha. Swrang salni simi joto truck malkung cholinai hinwi saimankha. Bisi kwtal phaimani logi logi no hakotor ni kwbangma haste o strike khwlaikha truck malkhung chaloknai rok. ‘Hit & run’ raida ni mamlao khobjak rok no 2years ni bagwi satokmung rimano 10 years khwlaimano kebengwi no lamao ongkhorkha malkhung chaloknai rok. Highway o kolokma truck ni line nugwi mankha. Oh strick ni bagwi baisa bwkhak salbrom no lukorogni nangkukmani manwi khwnwi tubunanio kwchajak. O patimungno tongkwchang khwlaina bagwi ongkhorkha kendra haphang. Kwrak salo Union Home Secretary Ajay Vallar sakha, All India Motor Transport ni lukorog bai koklam salaikha. Haphang joto no sana muchungjago je, oh kwtal raida tabok fano thepajakya. Oh raida no lagogna swkang All India Motor Transport ni adongrok bai kok salaimani yagulo, yapri naharjaknai. Tei baisa bwkhak kendra ni bwkhak twi kok rijakmani yagulo no All India Motor Transportni core committee ni chairman Baal Molkit sakhwlaikha je, oh kwtal raida tabok fano lagogjakya khu. Borok bai koklam salaimani yagulo no yapri naharjaknai hinwi saimankha. Aboni yagulo no lahar kasumano rosawi naharkha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
