Kwchug thai o samwng khwlai khe simi hoda rogo kaham ungwi manya, phiya ba kaham wansuk mwng no logi twi no samwng khwlawi phunogwi rikha Teliamura bwkhaste ni police okra naikol nai Prasun kanti Tripura. sathai kwlai o Tripura university pawi Tripura police ni samwng bai gwdal kha Prasun kanti tripuram abo ni ulo haste o tabuk ni hapang swnam jak mani ulo haste ni montri okra ni kobok mwng bai sikla ho da no bobo hai khe phekjak nai manwi ni simi kaham lama phunok nai abo hai khe no samwng khwlai tong kha Prasun kanti Tripura. abo ni ulo social media ni kaisa page khulukha, ah page bai no sikla hoda no hojak khwlai tong kha, bobo hai khe phekjak nai manwi kwrui khwlai man nai haste ni simi, tei ah page ni simi je rang phai o, ah rang hoda ni samwng o bagwi rwkha, abo no kitingwi no swrang salo Teliamura poura amchai ni dal bidal ward ni sap sutra khwlai nai ni samwng khwlai rok ni bising o kombol bagwi rwkha bo. ah samwng bwtang o phawi manjak phai kha Teliamura bidhansabha kendra ni MLA jwk Kalyani saha roy, Teliamura poura parisad ni okra naikol nai rupak sarkar akosong. ah salo kokthum thumnai ni bwskang o bwkhaste police naikol nai Prasun kanti Tripura o ni samwng nugwi belai khe no tong thok lai jak hwnui sakha MLA jwk. sathai kwlai o, administrative song ni gosi mwng bai no amtali ni police okra naikol nai hwnui bajra yaphar jak kha Prasun kanti Tripura no. abo hai khe no swrang salo sap sutra khwlai nai rok ni bising o kombol bagwi rwmani ulo kwcham thai yakar kha Prasun kanti Tripura.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
