Chwrai rok ni sak kaham ni bagwi park tei thung khola nang o, phiya ba Modern urban development ni bagwi park tei thung khola kwmai tong kha, abo ni bagwi tabuk ni chwrai rok belai khe no deramwng rogo kwlai tong kha, thung khola kwrui ni bagwi kaham khe thungwi bo manya ungwi tong kha chwrai rok. thung khola tei teisa je samwng rok deramwng rogo kwlai jak abo no naitho thok khwlai nani bagwi sep nahar kha haste hapang. phiya ba rajakhor aguli ni netaji school ni thung khola no parking zone khwlai nani sep nahar kha agartala pura nigam, ah samwng bwtang soi ung khre netaji school ni thung khola o tei thungwi mangalak tabuk ni rwng swrung nai tei swrung nai jwk song.abo no karwi bo sal burum burum no nugwi mano phung rogo eba sarigpang o thung khola o practice khwlai oh rajakhor aguli ni thung nai rok. phiya ba tabuk khe ah thung khola no parking zone khwlai nani bagwi khwlai khe thungwi mangalak amchai ni chwla tei bwrui rok no. ah pati mwng no twi netaji school thung khola o swrang salo kaisa kebeng mwng ni samwng bwtang khwlai kha rwng nok ni kwcham tei tabuk ni rwng swrung nai tei swrung nai jwk song. parking zone khwlaiya karwi aguli ni kwchar o kaisa kotor thung khola khwlawi ton na bagwi agartala pura nigam ni thani swrang salo koimwng khwlai kha amchai ni chwrai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
