Sal kisa swkang mwtai chalangnai MLA Surajit Datta no borom rimani bising twi Agartala Rabindra Bhavan o BJP bodol ni luajimung bai kaisa borom rimung tei muito khwlaimung panda songchajakha. Asalni pandao manjakha haste ni montri okra Dr.Manik Saha, phereng tangbedekni montri Ratan Lal Nath, tanglaisu tangbedekni montri Sushanta Chowdhury, haste ni rangthong montri Pranajit Singha Roy, Montri Santana Chakma, haste bidhansabha ni hujakphang eba Teliamura ni MLA-jwk Kalyani Saha Roy, Pradesh BJP ni president Rajib Bhattacharya, Agartala municipal corporation ni mayor Dipak Majumder, tei BJP bodol ni haste editor Papiya Datta no khobui kubuni adongrok. Asalni pandao MLA Surajit Datta no khomriwi borom yapharwi bini langma ni kok rok salaikha. Asalni pandao khomriwi borom yapharkha haste ni montri okra Dr.Manik Saha. Thwngrwng hapharni kok fano wngthung eba bini sak baithangni kok fano wngthung, bono Ramnagar ni lukorog no khobui haste ni lukorog bo bono pogwi mangwlak. Salbrom no lukorog ni hamkrai ni bagwi sak tharwi samung khwlailangkha lukorogni khachuksa ojama MLA-Surajit Datta. Abohai khe no lukorog-kha-o thai swnamwi thongthung tei mwtai ni yakungo thai manwi no thung hinwi surilaikha haste ni kwchuk berem ni BJP ni ojama rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
