hasteni joto lukurogno kaham naikulmung rina bagwi yapri naharjak baithang jorani haste haphang. luku hamkwraini bagwi samung khwlaina bagwi sak tharwi chaitukgwi tongo haphangni joto adong rog. amo haino tabok sak tharwi samung khwlaiwi tongo 49 no chawmanu bidhansabha kendrani MLA sambhu lal chakma . khursathai kwlaio 2018 bisio puila MLA wngwi barja naharmani bo. aboni bisi ba yagulo 2023 bisini bidhansabha chongmario bataiwi haino hai kwplai wngwi MLA ni barja mankha Sambhu lal chakma. barja naharmani jorani simi jota kaham hamya joraono lukurogni logi bacha kha bo. amoni bagwi bisi ba ni yagulobo bini smaungno hamjakgwi haino hai bono MLA hinwi chonghor nahar kha amchaini lukurog. chawmanu kendrano tabok kaham khwlaina bagwi chango ri khaoi nokhorjak MLA Sambhulal chakma. amoni no kaisa mangpili nukjak kha kwrak salo. chawmanu kendrani khung sara nukhungni bagwi khorok nwi ra dok chibrwi lukurog kubuni bodolno yakarwi bjp bodolo hap kha. kebengnai bodolni kwbangma ojama rog ah salo MLA ni yak romwi bjp bodolni bana romkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
