Salbrom no haste o lahar patimung wngwi no tongo. Aboni bagwi lahar patimungno kasuna bagwi lamao ongkhorkha salgwra hangkhor ni police. Low & order no maniya karwi no lamao ongkhorwi tongo, aboni bagwi no lahar patimungo kwlaiwi tongo. Aboni bagwi lahar patimungno kasuna bagwi tei malkhung chaloknai rok no hujak khwlaina bagwi tangsalni horo Dharmanagar central road ni Netaji ni mangthong bwskango kaisa hujak khwlaimung abhiyan o ongkhorkha police. Asalo salgwra hangkhor ni police super Bhanupadh Chokroborty ni twidulmung bai no hujak khwlaimung abhiyan songchajakha. Asalni abhiyan o manjakha Dharmanagar ni OC Naru Gopal no khobui kwbangma police rok bo manjakha. Lahar patimungno kasuna bagwi malkhung chaloknai rok no hujak khwlaimani logi logi malkhung kaham khe chalokna bagwi dagimung rikha police. Oh abhiyan oh ongkhorwi hangkhor police super Bhanupadh Chokroborty sakha, lahar patimungni yakni borok no banchirina bagwi no oh abhiyan hinwi sakha bo. Asalo koktwma thumnai rokni bwskango naimwthang bodol ni raida rok no twiwi bo kok sakha bo. Lukorog bike o khorok sa borok no karuna bagwi sakha, khorok sani sai kwbang bike o borok no ta karudi hinwi sakha. Bike chaloknai tei kanai khorok nwi no helmet nangnai tei driver licence no karwi bo joto doccument no twiwi no bike chalokdi hinwi sakha. Mobile o kok satutwi bike, malkhung ta chalokdi hinwi sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
