5 Lakh rangni rangchak no khobui khorok bwrwi sikok no romkha Salka thanani police. Abono twiwi Sadar ni SDPO sakha, 2023 bisi ni december talni paithago aulini Banamalipur tei Dhaleshwar amchaio waire wai manwi khokjakmani patimung patiwi no tongo. Phiyabha kaisa wanama sinsa kok wngkha, jeswk manwi kokjakmani patimungo sikok bodol rok rangchak no karwi mungsa bo khokya hinwi saimankha. Aroni simi no sawi mankha, oh rangchak khokmao kaisa bodolni sikok rok no khogo hinwi wansuklaikha. Aboni hai khe no kaisa bodol swnamwi naicherna chengkha police tei naicherwi tongma jorao thanai sal kisa swkang Amit Debbarma mungwi khorok sa sikok no romkha Salka Thanani police. bini kisa misa rangchak bo mankha. Aboni yagulo bono sungwi bodokni bodolni tei khorok tham sikok ni mungbo sawi mankha police. Ah khoroktham sikok ni mung wngkha Abhijit Debbarma, Amal Debbarma tei Akash Rabi Das. Oh khoroktham sikok no rommani yagulo borokni yagu kisa misa rangchak bo mankha hinwi sakha police. Borok ni yagu rangchak manmani hati dor 5 lakh wnganu hinwi sakha police. Jeswk rangchak khokjakha aroni bisingo maximum no mankha tei baki rangchak rokno bo dakti no tikhalainai hinwi sakha police. Phiyabha borok ni teibu bodol tongo hinwi wansukkha Sadar SDPO Debaprasad Roy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
