Tangsalo Ramkrishna Paromhangsho Dev ni ‘Kalpataru’ wngwi achaimano muito khwlaiwi Ramkrishna seva samiti ni luajimung bai AD Nagar ni 39 no ward ni community hall o Kalpataru ter songchajakha. Asalni pandao thangwi manjakha haste ni montri okra Dr.Manik Saha, MLA-jwk Mina Rani Sarkar, corporator Alok Dey, corporator Prasenjit Lode no khobui kubuni adongrok. Asalni pandao kok narukna thangwi montri okra sakha, luko hamkrai khwlaimao ramkrishna paramhangsho dev ni phunukjak lama tini ni salo lukorogni langma nangwi tongo. Bini wansukmungni lamao himwi no Swami Vivekananda hayungo Bharat hakotor ni mungsa chwngsasa khwlaikha, tei tabok hakotor ni montri bokhorok Narendra Modi bo ah wansukmungno twiwi no hakotor ni lukorogni hamkrai ni bagwi sak tharwi samung khwlaiwi tongo. Joto borokni sago no mwtai tongo, aboni bagwi no lukorog ni hamkrai khwlaimani bising twi no tabokni haste haphang haste no bwskango twlangna naiwi tongo hinwi sakha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
